Deputeti i Aleancës për Shqiptarët nga krahu i Ziadin Selës, Ilir Demiri, ka konfirmuar sot se në vijim do të veprojë si deputet i pavarur në Kuvendin e Maqedonisë së Veriut. Sipas tij, ky hap vjen me qëllim të hapjes së rrugës për një riorganizim më funksional të opozitës shqiptare në vend.
Burime të Pa Censurê nga Kuvendi bëjnë të ditur se Demiri ka dorëzuar zyrtarisht dokumentacionin për largimin nga grupi parlamentar dhe se nisma e tij synon krijimin e një blloku të koordinuar opozitar. Sipas dokumentit të dorëzuar dhe burimeve parlamentare, nismës pritet t’i bashkohen edhe deputetë të tjerë nga subjekte opozitare shqiptare, të cilët e shohin këtë proces si mundësi për rritjen e peshës politike dhe institucionale të opozitës.
Ky veprim konsiderohet si një lëvizje me potencial për të sjellë dinamikë të re në skenën politike dhe për të krijuar një balancë më të fuqishme ndaj pushtetit aktual. Në ditët në vijim priten zhvillime të tjera, përfshirë deklarata dhe vendime të mundshme nga deputetë që pritet të bashkohen me këtë proces.
