Sot, me një postim në rrjetet sociale, Komuna e Likovës dhe kryetari i saj, Erkan Arifi, reaguan lidhur me mbylljen zyrtare të deponisë së egër pranë fshatit Nikushtak nga Qeveria.
Arifi, në mënyrë publike, u pozicionua kundër vullnetit të qytetarëve të fshatit Nikushtak dhe fshatrave përreth, të cilët kërkuan mbylljen e kësaj deponie. Me këtë veprim, kryetari aktual i Komunës së Likovës bëri të qartë se prioriteti i tij nuk është jeta dhe shëndeti i qytetarëve, atyre që katër vite më parë e votuan mbi bazën e premtimit për ta mbyllur këtë deponi dhe për të gjetur një zgjidhje të përhershme për këtë problematikë.
Vlen të theksohet se në rrjetet sociale qytetarët reaguan ashpër ndaj qëndrimeve të kryetarit. Megjithatë, shumë prej reagimeve të tyre ose fshihen, ose bllokohen nga administratorët e faqeve përkatëse.
