Afrim Gashi nderohet me Medaljen e Kryqit të Kuq në 80-vjetorin e organizatës

Kryetari i Kuvendit, Afrim Gashi, ka njoftuar se sonte ka marrë pjesë në ceremoninë solemne me rastin e 80-vjetorit të Kryqit të Kuq.
“Kjo ngjarje shënon një jubile të rëndësishëm për këtë organizatë që ka dhënë një kontribut të jashtëzakonshëm në ndihmën dhe mbrojtjen e jetëve, veçanërisht në kohë krizash, katastrofash dhe nevojash të tjera humanitare.
Për më tepër u nderova me mirënjohjen Medalja e Kryqit të Kuq, një vlerësim i jashtëzakonshëm dhe një nxitje shtesë për të vazhduar më tej me angazhim dhe përkrahjen në realizimin e qëllimeve dhe detyrave të Kryqit të Kuq.
Në emër të Kuvendit të Republikës së Maqedonisë së Veriut, shpreh mirënjohjen dhe përkrahjen për misionin e këtij institucioni, që vazhdon të luajë një rol kyç në promovimin e vlerave humane dhe solidaritetit shoqëror”, ka shkruar kryeparlamentari Gashi.