Një sulm i armatosur ndodhi në mbrëmje në një kafene në Shtip, në të cilin u plagos një person. Sipas informacioneve jozyrtare për 24 Info, sulmuesi u arratis me një BMW pas incidentit.
Dëshmitarët okularë thonë se ai doli nga kafeneja dhe u largua shpejt në një drejtim të panjohur.
Automjeti u pa në pikën pagesore të Miladinovcit, ku sulmuesi nuk u ndal në shenjë ndalimi, theu rampën dhe vazhdoi të lëvizte me shpejtësi të madhe.
Policia reagoi menjëherë dhe hapi zjarr ndaj automjetit në përpjekje për ta ndaluar atë.
