Vendet që ASH do t’i le në Qeveri do të zëvendësohen nga VLEN

Javën tjetër pritet që të jetë vendimtare për fatin e Arben Taravarit dhe ASH-së në Qeveri.
Sipas burimeve të gazetës “Slloboden Peçat” gjithnjë e më të vogla janë gjasat që ASH të mbetet në Qeveri, dhe që këtu, vendet e ministrave, zv/ministrave dhe të drejtorëve, kryeministri Hritijan Mickoski gjatë rikonstruimit të Qeverisë do t’i mbush me funksionar të VLEN-it.
Pasi që tani më është pothuajse punë e kryer që Mickoski do ta falënderoj Taravarin për bashkëpunimin në Qeveri, beteja po bëhet për mandatet e deputetëve të ASH-së. VLEN ia tregoi derën Taravarit por jo edhe të deputetëve të ASH-së, të cilët i vlerëson si të vetat për shkak se ato janë fituar si koalicion, andaj edhe i fton ata që të qëndrojnë së bashku.
Koordinatori joformal Bekim Qoku, ka deklaruar se edhe më tej do të bashkëpunojnë me deputetët.
Ndryshe sot, kryetari i Lëvizjes BESA, Bilall Kasami konfirmoi se Taravari i ka ditët e numëruar në Qeveri dhe se së shpejti do të largohet.