Përfaqësuesi i Koalicionit Vakat, Rasim Demiri, pas takimit me kryeministrin në detyrë, Albin Kurti, ka thënë para mediave se është i gatshëm për bashkëpunim sa i përket formimit të qeverisë së re.
“Sot kemi pasur një takim të rëndësishëm, kemi biseduar shumë gjëra. Edhe kryeministri ka gatishmëri, edhe ne kemi gatishmëri për formimin e institucioneve dhe Qeverinë e Kosovës. Më shumë sot bisedimet kanë qenë për më tutje për bashkëpunim”, tha ai.
Demiri ndër të tjerash foli edhe për komunën e Reçanit, e që thotë se nëse kjo komunë bëhet, ai do të jetë kandidati për kryetar.
“Kemi folur më shumë për disa gjëra që janë shumë të rëndësishme për komunitetin boshnjak. Për shembull, kur është në pyetje Komuna e Boshnjakëve. Ata që duhet të flasim për Komunën e Reçanit jemi ne dhe nëse do të bëhet komuna, unë jam ai që mund të jem edhe kandidat për kryetar për këtë komunë”, potencon ai. /21Media
