Këmba e majtë e 11-vjeçares Noor u shkul pothuajse plotësisht kur shtëpia e saj në Jabalia, Gaza, u godit nga një bombë në tetor. Tani këmba e saj e djathtë, e fiksuar me një shufër metalike të rëndë dhe katër vida të shpuara në kockë, mund të duhet të amputohet.
“Më dhemb shumë… Kam frikë se do të më duhet të amputojnë këmbën tjetër,” tha ajo nga shtrati i saj në spital, duke i ngulur sytë në pajisjen e saj të fiksuar.
“Dikur vrapoja dhe luaja, isha shumë e lumtur, por tani që humba këmbën, jeta ime u shëmtuar dhe u trishtova. Shpresoj të kem një këmbë artificiale.”
Një brez fëmijësh palestinezë me amputime po shfaqet si rezultat i agresionit kriminal të Izraelit kundër Gazës.
Mjekët dhe punonjësit e ndihmës thonë se sistemi mjekësor i rrënuar i Gazës nuk është në gjendje t’u ofrojë fëmijëve kujdesin kompleks që u nevojitet për të shpëtuar kockat e tyre të prera, ende në rritje.
Fëmijët me amputime të shkaktuara nga lufta do të kenë nevojë për deri në një duzinë operacione në gjymtyrët e tyre deri në kohën kur ata arrijnë moshën madhore, ndërsa kocka vazhdon të rritet, thonë ekspertët.
Më shumë se 1000 fëmijë iu nënshtruan amputimit të këmbës, ndonjëherë të shumëfishta ose të dyja këmbëve, deri në fund të nëntorit të vitit të kaluar. Fatkeqësisht, ky numër është rritur ndjeshëm gjatë muajit të kaluar.
Higjena e dobët dhe mungesa e ilaçeve po shkaktojnë më shumë komplikime dhe amputime të lëndimeve ekzistuese, disa prej të cilave janë aq të rënda sa fëmijët mund të mos mbijetojnë, thonë mjekët.
Në disa raste, si Ritasha 10-vjeçare jetime nga Gaza, këmba e saj e djathtë duhej të ri-amputohej sipër dhe pak poshtë gjurit pasi u infektua.
“Unë mendoj se ajo që pashë do t’i thyente zemrën kujtdo,” tha zyrtarja e Zyrës Humanitare të OKB-së (OCHA) Gemma Connell.
“Shumë gjymtyrë që në dukje u shpëtuan do të duhet të amputohen. Dhe shumë pacientë me amputime dhe gjymtyrë që ne mendojmë se u shpëtuan mund të vdesin ende nga pasojat afatgjata”, tha Dr. Chris Hook, një mjek britanik i mjekësisë së urgjencës nga organizata bamirëse mjekësore MSF, i cili u kthye nga Gaza në fund të dhjetorit.
