Shkup, 27 korrik – Pas konferencës për media të VMRO-DPMNE, ka reaguar Drin Ahmeti, pronar dhe menaxher i kompanisë Everest. Ai ka shkruar se në lidhje me kronikën në Televizionin 24 të datës 24.07.2024 me titull “Driton Kuçi ishte Ministër i Ekonomisë kur në vitin 2016 u dha koncesioni për nipin e Ali Ahmetit”, si dhe konferencat për shtyp të publikuara në kanalin zyrtar në YouTube të partisë politike VMRO-DPMNE më 25.07.2024 dhe 26.07.2024 të mbajtur nga Mile Lefkov, deputet dhe anëtar i KE të VMRO-DPMNE-së, ju njoftojmë se është gënjeshtër e plotë dhe informatë e plasuar gabimisht në publik.
“Kompania “Everest XhD” SHPKNJP Shkup ka lidhur Marrëveshje koncesionare për shfrytëzimin e lëndës së parë minerale – gur gëlqeror në lokalitetin “Bukoviq”, komuna Zajas, e regjistruar me numrin e arkivit të Ministrisë së Ekonomisë 24-3114/16 nga. 07.07.2006. Kjo është në kundërshtim me pretendimet e Televizionit 24 se Driton Kuçi ishte ministër i Ekonomisë në kohën kur u dha koncesioni për shfrytëzimin e lëndëve të para minerale”, ka thënë Drin Ahmeti.
Sipas tij, lidhur me të pavërtetat e paraqitura nga z. Lefkov, demantojmë informacionet që u plasuan në dy konferencat për shtyp në lidhje me mospagesën e kompensimit të koncesionit.
“Përveç këtij Demanti, ndajmë të gjitha pagesat që kompania “Everest XhD” SHPKNJP Shkup i ka bërë për periudhën prej vitit 2016 deri në vitin 2024, në bazë të kompensimit koncesionar për hapësirë dhe eksploatim. Pretendimet e tilla të rreme dëmtojnë kompaninë si dhe reputacionin personal të pronarit Drin Ahmeti. U bëjmë thirrje edhe institucioneve kompetente, përfshirë edhe Ministrinë e Punëve të Brendshme, që të verifikojnë deklaratat në hetimin e tyre”, thuhet në kumtesën e Drin Ahmetit, menaxher dhe pronar i Everest.
