Kylian Mbappe prezantohet sot si lojtar i Real Madridit. Kontrata tashmë është firmosur, ndërsa tifozët madrilenë presin dalin e yllit francez para tyre. Tashmë sulmuesi ka vizituar hapësirat e stadiumit ikonik dhe ka bërë fotografi të shumta.
“Sot jam një person i lumtur”, ka thënë Mbappe dhe më pas ka puthur emblemën e Real Madridit.
Kylian Mbappe është prezantuar te klubi i ri. Ai është shprehur tejet i lumtur që i është bashkuar Real Madridit.
“Është e pabesueshme që jam këtu”, kanë qenë fjalët e tij të para në gjuhën spanjolle në prezantim.
“Kam kaluar net të shumta pa fjetur duke ëndërruar se një ditë do të luaj për Real Madridin. Sot jam një person i lumtur”, ka thënë ai, dhe më pas ka puthur emblemën e Real Madridit.
Teksa ka falënderuar tifozët, Mbappe ka thënë se tani ëndërron ta lartësojë historinë e klubit.
“Premtoj se do të jap gjithçka për këtë klub dhe emblemë”, ka përfunduar ai.
