Në orët e pasdites në qytetin e Tetovës ka pasur reshje intensive të shiut, shoqëruar me breshër, duke shkaktuar edhe bllokim të disa rrugëve nëpër qytet, transmeton Portalb.mk.
Një nga rrugët e bllokuara është edhe nënkalimin në hyrje të qytetit, ku ekipi i zjarrfikësve po intervenon.
Në gjendje të njëjtë është edhe nënkalimi në rrugën “Dardania”, një lagje ku jetojnë shumë banorë.
“Situata është mjaft dramatike në qytetin e Tetovës, pasi kemi vërshime të mëdha nëpër shtëpi banimi. Kemi bërë shpëtimin e disa njerëzve që ishin ngujuar në makinat e tyre”, deklaroi Komandanti i Zjarrfikësve në Tetovë, Avni Ahmeti.
Ai bëri apel deri te qytetarët që mos të bëjnë lëvizje në këtë pjesë.
