“BDI po shkon në histori dhe janë krejtësisht të parëndësishëm. Ata tentojnë të përdorin forma të ndryshme për të shpëtuar veten nga ndjekja penale për krimet e bëra”.
Kështu jan përgjigjur mes tjerash nga koalicioni në Qeveri, VLEN në pyetjen e TV21 se cili është qëndrimi i koalicionit VLEN për paralajmërimet që ekspertët ndërkombëtar të angazhuar nga BDI, për siç thuhet, gjetjen e një zgjidhjeje për mbrojtjen e legjitimitetit,ku janë duke analizuar modelin e rregullimit shtetëror sipas atij belg ose irlandez-verior?
BDI po shkon në histori dhe janë krejtësisht të parëndësishëm. Ata tentojnë të përdorin forma të ndryshme për të shpëtuar veten nga ndjekja penale për krimet e bëra.
“Nuk është diçka e re që vjen nga Bashkimi Demokratik për Integrim, BDI gjithmonë kur kapet me presh në dorë mundohet që të njejtën ta mbulojë duke u thirrur në tema madhore si prishja e Jugosllavisë, ndarje territoriale, e deri në Open Ballkan. Themi nuk është diçka e re pasi që po e njejta BDI veprime të ngjashme bënte edhe në rastin e montuar politik “Monstra”, edhe me “Rastin e Kumanovës” në Lagjen e Trimave në Kumanovë, por edhe me përgjimet ku figura të larta në BDI ishin të përfshirë në marrëveshje korruptive dhe kriminale.
Andaj Koalicioni VLEN, por edhe qytetari shqiptar, këto lojëra të BDI-së tashmë i ka të njohura dhe e dimë që përmes kësaj mundohen që t’i fshehin mëkatet e tyre, por ju sigurojmë që do të përgjigjen para organeve të rendit për krimet e bëra!”, thuhet në përgjigjen e VLEN-it.
