Denver mposhti 115-112 Minnesota në përballjen e dy prej skuadrave më të mira në Konferencën e Perëndimit dhe NBA-së. Një sfidë e ekuilibruar deri në fund, ku të dyja ekipet “luftuan” për fitoren.
Nikola Jokic me 35 pikë e 16 rebound ishte lider për Denver, mbështetur edhe nga Porter me 26 pikë.
Për Minnesota, Edwards realizoi 30 pikë e McDaniles 26, por që s’mjaftuan për të fituar.
Dallas fitoi 113-107 derbin teksan ndaj San Antonio, një sfidë ku veteran Kyrie Irving realizoi 28 pikë.
Mirë u paraqit edhe Luka Doncic me një “triple double” (18 pikë, 10 rebound, 16 asist).
Fitore të lehtë arriti ekipi i Houston, që mundi 137-114 Washington jashtë fushe, sfidë ku diferencën e bëri Jalen Green me 42 pikë.
Ndërsa Orlando, falë 62 pikëve të realizuara nga lojtarët e stolit, mundi 112-92 Charlotte.
Rezultatet
Orlando – Charlotte 112-92
Washington – Houston 114-137
Brooklyn – New Orleans 91-104
San Antonio – Dallas 107-113
Minnesota – Denver 112-115
