Ministrja e Arsimit dhe Shkencës, Vesna Janevska, në intervistën për Alsat e pyetur për deklaratën e saj se UÇK dhe simbolet e saj nuk kanë kurrfarë domethënie për shtetin tha se aktorët janë ende gjallë, ndërsa plagët janë të hapura dhe historia është diçka që do të verifikohet. Në intervistë Janevska gjithë kohës i referohej Ushtrisë Çlirimtare të Kosovës edhe pse flitej për konfliktin e vitit 2001 në Maqedoninë e Veriut.
Deklaruat se UÇK dhe simbolet nuk nënkuptojnë asgjë për këtë shtet, supozoj se nuk vlerësoni se shqiptarët nuk vlejnë asgjë?
“As rastësisht, taman puna, shqiptarët janë bashkëqytetarë tanë, kemi shtet të përbashkët, jetojmë në një shtet të përbashkët, sinqerisht besoj se kemi ideale të përbashkëta për këtë shtet dhe së bashku do të punojmë për të dhe besoj se kjo është tërësisht normale që këtë të gjithë ta përjetojmë kështu”, deklaroi Vesna Janevska, ministre e Arsimit.
Ju pyes sepse doni ta pranoni ose jo, UÇK është pjesë e historisë bashkëkohore të shqiptarëve në vend.
“Vlerësoj se këtë temë duhet ta mbyllim”, tha Janevska.
Ju e hapët zonja Janevska.
“Kjo Akoma nuk është histori bashkëkohore, unë nuk jam historiane, por sipas asaj që e kam lexuar, historia është diçka që do të verifikohet pas një periudhe të caktuar”, deklaroi Vesna Janevska, ministre e Arsimit. /Alsat.mk
