Pas një viti të suksesshëm të udhëheqjes së Ministrisë së Shëndetësisë, Bekim Sali tani ka bërë të ditur kandidaturën e tij në listat për deputetë në Kuvendin e Maqedonisë së Veriut.
“Të dashur qytetarë, miq mbështetës dhe aktivistë politikë,
Dëshiroj t’ju informoj zyrtarisht se, në saje të besimit të kryetarit Afrim Gashi dhe Alternativës, do të jem kandidati numër 2 në listën e koalicionit VLEN për zonën e parë zgjedhore.
Duke e falënderuar partinë dhe Kryetarin për besimin e dhënë, dëshiroj t’ju ftoj për ta mbështetur koalicionin VLEN, sepse kjo është mundësia e vetme dhe e vlefshme që ta realizoni ndryshimin e skenës politike në Maqedoninë e Veriut.
Sado që vota e lirë ka pasur dhe do të ketë vlerë gjithnjë, kësaj radhe ne jemi para një referendumi që e përcakton të ardhmen tonë në këtë shtet.
Duke qenë pranë këtij momenti kaq historik, dëshiroj që të gjithë ju të jeni në anën e drejtë të historisë sonë më të re. Në anën e fitores.
Si asnjëherë më parë, sot ia VLEN”, ka shkruar Bekim Sali.
Kujtojmë se Bekim Sali udhëhoqi Ministrinë e Shëndetësisë në periudhën e pandemisë pa asnjë skandal dhe përplot suksese.
