Turqia dhe SHBA-ja ranë dakord për rëndësinë e gjetjes së një mënyre për t’i dhënë fund konfliktit në Gaza, tha Ministria e Jashtme turke në një deklaratë të shtunën pas takimit të shtatë të Mekanizmit Strategjik SHBA-Türkiye në Washington, transmeton Anadolu.
“Turqia dhe SHBA-ja në deklaratën e përbashkët theksojnë rëndësinë e gjetjes së një mënyre për t’i dhënë fund konfliktit në Gaza dhe për të kapërcyer menjëherë krizën humanitare”, tha Ministria në deklaratën e lëshuar pas takimit midis ministrit të Jashtëm turk Hakan Fidan dhe homologut të tij amerikan Antony Blinken.
Deklarata shtoi gjithashtu se vendet rifilluan Konsultimet Kundër Terrorizmit Turqia -SHBA për të “zgjeruar bashkëpunimin kundër terrorizmit që kërcënon sigurinë kombëtare të të dy vendeve”.
“Turqia dhe SHBA-ja njoftojnë se do të përfitojnë nga mundësitë për të avancuar bashkëpunimin në industrinë e mbrojtjes”, thuhet në deklaratë në lidhje me bashkëpunimin ekonomik.
“Turqia dhe SHBA-ja pohojnë rëndësinë e zhvillimit të forumeve dypalëshe për të përmirësuar dhe thelluar bashkëpunimin ekonomik”, tha Ministria.
