Istanbul
Në një operacion antiterrorist në Türkiye të shtunën, 17 anëtarë të dyshuar të organizatës terroriste DEASH u arrestuan në lidhje me të shtënat në një kishë katolike në Istanbul, thanë burimet turke të sigurisë, raporton Anadolu.
“Forcat e inteligjencës dhe policisë kanë identifikuar autorët dhe të dyshuarit që besohet se janë të lidhur me sulmin në kishën Santa Maria, ku një person humbi jetën”, thanë burimet në kushte anonimiteti.
Burimet shtuan se forcat e sigurisë kryen operacione të njëkohshme, me qendër në Istanbul, për të ndërprerë aktivitetet e të dyshuarve dhe për të parandaluar sulme të mundshme terroriste në vend.
Gjatë aksioneve janë konfiskuar dokumente të shumta organizative.
Dy sulmues të maskuar kryen sulm të armatosur të dielën e kaluar ndaj besimtarëve në një kishë katolike në Sariyer, Stamboll, në të cilin u vra Tuncer Cihan (52).
Grupi terrorist DEASH mori përgjegjësinë për sulmin.
Operacionet e Organizatës Kombëtare të Inteligjencës së Türkiyes (MIT) penguan disa sulme të tjera të planifikuara nga grupi terrorist në sinagoga, kisha dhe ambasadën e Irakut në dhjetor 2023. Operacionet çuan në arrestimin e anëtarëve të dyshuar të grupit dhe sekuestrimin e materialeve dixhitale.
