Pakistani ka nisur sulmet me raketa hakmarrëse në Iran herët të enjten, dy ditë pas sulmeve iraniane në tokën pakistaneze.
Ministria e Jashtme e Pakistanit tha se një numër njerëzish u vranë në provincën Sistan-Baluchistan.
Ja çfarë dimë deri tani, sipas BBC,
Nëntë persona u vranë si rezultat i sulmeve, sipas mediave shtetërore iraniane
Pakistani tha se sulmet e tij kishin goditur “strehimet e terroristëve” në provincën Sistan-Baluchestan të Iranit.
Pakistani tha se kishte vepruar në dritën e “informacioneve sekrete të besueshme të aktiviteteve për aakte të shpejta terroriste në shkallë të gjerë” dhe tha se një numër “terroristësh” u vranë.
Ai shtoi se “respekton plotësisht” “sovranitetin dhe integritetin territorial” të Iranit, por veprimi i tij të enjten ishte “një manifestim i vendosmërisë së palëkundur të Pakistanit për të mbrojtur dhe garantuar sigurinë e tij kombëtare kundër të gjitha kërcënimeve”.
Pakistani e kishte dënuar ashpër sulmin e Iranit të martën, i cili goditi një zonë të provincës Balochistan të Pakistanit pranë kufirit iranian.
Irani këmbënguli se sulmet e tij kishin për qëllim të godisnin vetëm Jaish al-Adl, një grup etnik mysliman suni balok që ka kryer sulme brenda Iranit, dhe jo qytetarët e Pakistanit.
