Taravari paralajmëron 1000 punësime personel mjekësorë

Ministri i Shëndetësisë, Arben Taravari në një prononcim për media ka paralajmëruar 1000 punësime, personel mjekësorë me shkollë të mesme. Ai tha se këtu nuk hyjnë vetëm infermierët, por edhe ndihmës spitalor, laborantë etj.
“Mungesë të personelit mjekësor, posaçërisht të personelit mjekësor me shkollë të mesme ka gjithkund. Unë shpresoj që deri në fund të këtij viti do të publikohet konkursi në të cilin ku do të pranohen në punë mbi 1000 persona personel mjekësor me shkollë të mesme. Këtu nuk nënkuptohen vetëm infermierët, por ndihmës spitalorë, laborantë. Ata që janë me kontratë në vepër, por sërish janë pak, përsëri do të kemi nevojë. Kështu që si do ti mbajmë mjekët tanë dhe personelin tjetër mjekësorë këtu? Ja këtu e shihni çfarë bëjmë, domethënë 300 specializantë këtë vit janë pranuar në punë, 300 vitin tjetër. 1100 personel mjekësor me shkollë të mesme, marrëveshje kolektive, rritje të pagave. Kjo që mund të bëjë një qeveri më shumë se kjo, nuk besoj se do të kishim mundur ta bëjmë për 6 muaj”, ka deklaruar Ministri i Shëndetësisë, Arben Taravari.