Kryetari i ASH-së, Arben taravari përmes një njoftimi ka bërë të ditur për mbajtjen e Kongresit të jashtëzakonshëm partiak, të caktuar për sot (ditë e premte) në SHkup.
Lajmin e ka bërë të ditur vetë Taravari, por edhe përmes një komunikate të lëshuar nga kabineti i tij.
“Në bazë të nenit 31, pika 1, të Statutit të Aleancës për Shqiptarët, thërras Kongres të jashtëzakonshëm ditën e premte, 16 shkurt 2024, ora 19:00, në Aleksandar Palace në Shkup. Ndryshimi Ka Nis”, shkruan Taravari në njoftimin e Kongresit.
Por, një kongres tjetër të jashtëzakonshëm ka ftuar edhe Ziadin Sela, edhe ate për 18 shkurt, ditë e diel.
