Komuna e Sarajit me një marrëveshje skandaloze ka blerë traktor me vlerë prej 200 mijë eurove nga kompania e pronarit Sinisha Petroviq në periudhë parazgjedhore.
Komuna e Sarajit është e njohur për bukuritë e saj natyrore, por sot e tutje do të jetë e njohur ndoshta edhe si komuna me një ndër traktorat më të shtrenjtë në Evropë, që kap vlerë të përgjithshme prej 200 mijë eurove.
Dyshohet se këto para i janë dhënë serbit Petroviq për favore që kanë lidhje me zgjedhjet.
Burime tona nga komuna na kanë dërguar kontratën e bërë mes komunës Saraj dhe kompanisë SINEPEK nga Manastiri, e nënshkruar më 4 mar të vitit 2004.
Kontrata përmban 27 nene dhe është nënshkruar nga kryetari i komunës Saraj, Blerim Bexheti dhe pronari i kompanisë SINPEKS nga Manastiri, me pronar Sinisha Petroviq.
Lidhur me rastin në fjalë kemi pyetur edhe në Komisionin për Antikorrupsion prej ku thanë se janë të njoftuar me rastin dhe do ta shqyrtojnë javën e ardhshme, sepse kontrata është nënshkruar në periudhën pas shpalljes së zgjedhje parlamentare dhe presidenciale, gjë që të jetë edhe vepër penale, pasi Ligji ndalon furnizime publike në shifra të larta në periudhën parazgjedhore.
Dokumenti që ju sjellim më poshtë, përmban edhe shumë detaje tjera lidhur me këtë kontratë kontraverse.
