Mijëra qytetarë të Shqipërisë marshuan dje në Tiranë pro familjes dhe kundër nismave që cenojnë familjen tradicionale.
Pastori Akil Pano ka falënderuar pjesëmarrësit, duke theksuar se myslimanë e të krishterë janë bërë bashkë për ta mbrojtur familjen.
“Mirënjohje pafund qytetarëve të Shqipërisë! Muslimanë dhe të Krishterë, teistë dhe joteistë, familjeve, burrave dhe grave, nënave dhe gjyshërve, çdo të riu dhe të reje! Na ngritën kokën lart, na inkurajuat shpresën tonë që sëbashku mund ta fitojmë betejën më të madhe! Kjo është beteja për jetën, ekzistencën, lindshmërinë, familjen, dinjitetin, nderin, të tashmen dhe të ardhmen. Shqiptarët janë bashkë kundër projektligjit të surrogacisë; abortit të 16 vjeçareve pa dijeninë e prindërve; sterilizimit të të rinjve; ideologjizimit gjinor të fëmijëve tanë në kopshte dhe shkolla!”, shkruan Akil Pano.
Pano njoftoi se protestat do të vazhdojnë më 1 qershor, ndërsa po mblidhen edhe nënshkrime për të revokuar ligjet antifamilje në Kuvendin e Shqipërisë.
