Kryeministri Edi Rama gjatë një takimi me krerët e Bashksive në vend, vuri theksin edhe te turizmi. Ai kërkoi që Bashkitë në vend, sidomos ato në zonat bregdetare të kenë në vëmendje hapësirat në plazhet publike.
Sipas tij vitin e ardhshëm do të ketë një ndërhyrje më agresive sa i pëket plazheve publike.
“Plazhi publik i Sarandës është në vijën e gjithë qytetit, menaxhohet nga bashkia, është i lirë për të gjithë. Por sërish më mirë syri sesa nami. Duhet bërë çmos që njerëzit ta dinë që plazhet publike janë aty. Natyrisht që pjesa tjetër ka edhe ajo të drejtat e veta. Ndërkohë që ne kemi filluar të studim ndërhyrjet që ka bërë Spanja, Portugalia dhe Turqia në këtë aspekt. Vitin e ardhshëm duhet të bëjmë sërish një ndërhyrje sa i përket hapësirave publike në plazh në një mënyrë më agresive. Edhe në këtë pikë bashkitë duhet të jenë në krye të punës sa i përket komunikimit”, tha Rama.
Rama tutje është shprehur të mërkurën se është e ulët përpjekja për ta prezantuar se kosovarët s’po e vizitojnë Shqipërinë, duke theksuar se ka rritje edhe të turistëve turq dhe polakë.
“…Ka një sulm të organizuar për të dëmtuar turizmin. Kam folur me kryetarët e bashkive, janë skandalizuar nga shumë video lajme komente të rreme të manipuluara… Përpjekje e ulët që shqiptarët e Kosovës e kanë braktisur Shqipërinë, ndërkohë këtë vit ka 25% më shumë se vjet. Ka një rritje shumë të fortë të turistëve turq, polak”, është shprehur Rama.
