Të paktën shtatë persona nga personeli i sigurisë janë vrarë në tre sulme të dyshuara militante në Pakistanin jugperëndimor dhe veriperëndimor derisa pakistanezët po shkojnë drejt qendrave të votimit për të zgjedhur një parlament të ri dhe katër asambletë provinciale, raporton Anadolu.
Në sulmin e parë, një personel i sigurisë u vra në zonën Kot Azam të qarkut Tank në provincën veriperëndimore Khyber Pakhtunkhwa kur persona të armatosur të panjohur hapën zjarr ndaj një ekipi të sigurisë që ruante stafin e votimit. Tank kufizohet me qarkun Waziristan të Afganistanit.
Në një incident tjetër, të paktën katër policë u vranë dhe disa të tjerë u plagosën në të njëjtën provincë kur një furgon policie u godit nga një mjet shpërthyes i improvizuar.
“Militantët shënjestruan një furgon të policisë dhe më pas hapën zjarr mbi automjetin e tyre në zonën Kulachi të rrethi Dera Ismail Khan gjatë patrullimeve të policisë”, tha një zyrtar lokal për Anadolu në telefon.
Në sulmin e tretë që nga mëngjesi i sotëm, të paktën dy persona nga personeli i sigurisë u vranë dhe nëntë persona u plagosën në provincën jugperëndimore Balochistan.
Incidenti ndodhi në qarkun Kharaan, i fundit në një valë të vazhdueshme sulmesh militante në mes të votimit në zgjedhjet e përgjithshme të sotme.
