Ndihmëssekretari amerikan i shtetit, James O’Brien, ka folur nga Shkupi ku edhe po merr pjesë në takimin e liderëve të vendeve të Ballkanit Perëndimor me BE-në, shkruan Express.
Ai ka thënë se ndjehet mirë që është rikthyer në Shkup, kryeqytetin maqedonas ku thotë se e kishte shkelur për herë të parë si zyrtar amerikan në vitin 1996.
O’Brien ka thënë se është kënaqësi pjesëmarrja në një takim të tillë dhe ta shohësh Maqedoninë e Veriut si nikoqeire.
“Është mirë të kthehem në Shkup. Kam ardhur këtu për herë të parë si zyrtar amerikan në vitin 1996. Është kënaqësi të jem këtu dhe të shoh Maqedoninë e Veriut si mikpritëse. Këta janë aleatët tanë dhe ne po punojmë me këtë qeveri për një nismë e rëndësishme ditët e fundit”, ka thënë ndihmëssekretari amerikan i shtetit, James O’Brien.
