Ndërsa deri më sot thyerjen e besnikërisë në çift e kemi quajtur si problem moral, në draftin e ndryshimeve të Kodit Penal, kjo do të jetë një vepër penale që do të ndëshkohet deri 3 vite burgim.
Në ndryshimet e reja që pritet të bëhen në Kodin e Penal, parashikohet që bigamia të konsiderohet si vepër penale e cila mund të dënohet deri në 3 vite burg.
Në projektligjin e hedhur për diskutim theksohet se: Mbajtja e dy ose më shumë martesash në të njëjtën kohë, apo bashkëjetesa me një apo më shumë partnerë/e në të njëjtën kohë, dënohet me gjobë ose me burgim deri në tre vjet. Nëse bigamia vazhdon pas dënimit të parë, dënohet me burgim nga gjashtë muaj deri në katër vjet.
