Ministri i Çështjeve Evropiane, Orhan Murtezani ka kryesuar takimin e tretë për IPA III.
Njoftimi i Murtezanit:
Mëngjesin e sotëm, si IPA Koordinator Nacional, bashkë-kryesova takimin e tretë të Komitetit Monitorues për IPA III, së bashku me Valentina Supertin nga Komisioni Evropian.
Fokusi ishte i qartë – si ti tejkalojmë sfidat e trashëguara dhe të sigurojmë zbatimin dhe shfrytëzimin më efikas të fondeve evropiane.
Jo vetëm përmes proceseve më të mira, por edhe përmes mbështetjes sistematike për njerëzit që punojnë në to.
Ndërmorëm hapa konkrete për stabilizimin e IPA strukturave, ndërkaq po fillojmë përgatitjen e Akademisë për BE-në, detyra e së cilës do të jetë të sigurojë trajnim cilësor dhe të qëndrueshëm për kuadrot e angazhuar në IPA strukturën.
