Ministri i Ekonomisë dhe Punës, Besar Durmishi, bashkë me kryeministrin Mickoski, aktualisht po zhvillojnë takim me Sindikatën e Administratës shtetërore.
Në takim po flitet për rritjen e pagave për të gjithë të punësuarit në administratë.
Sipas informacioneve, ministri Durmishi do ta propozojë një formulë të rritjes graduale të pagave në 3 vitet e ardhshme, duke filluar nga ky vit.
Pagat do të rriten për 8% më shumë sesa rritja automatike që pason pas rritjes së pagës minimale në mars.
Poashtu, do të ketë rritje të garantuar prej 8% edhe në vitet 2027 dhe 2028.
Që nga fillimi i mandatit të tij, Ministri Durmishi është angazhuar për paga më të mira dhe kushte dinjitoze për punëtorët.
