Kryeministri i Maqedonisë së Veriut, Hristijan Mickoski e ka komentuar shfuqizimin e balancuesit duke thënë se përfaqësimi i drejtë dhe adekuat duhet të zgjidhet me një tjetër mekanizëm demokratik.
Ai ka pranuar se është në kordinim me partnerin e koalicionit në bllokun politik shqiptar se do të sillet një ligj i ri, për të cilën VLEN-i tashmë e ka premtuar si një zgjidhje më të mirë për shqiptarët dhe bashkësite e tjera etnike.
“Ne kemi biseduar në kuadër të koalicionit, koalicioni ka një mekanizëm demokratik. Badinteri është kategori kushtetuese, ne kemi folur shumë herë në të kaluarën se jo vetëm që ka kaluar koha e balancuesit, por edhe po keqpërdoret dhe duhet fshirë, si dhe të gjendet mekanizëm ligjor me të cilin do të rregullohet përfaqësimi i drejtë”, ka thënë Mickoski.
