Mexhiti: Më tepër se 3-4 deputetë të Frontit Europian do të bëhen pjesë e shumicës parlamentare! Po bisedohet edhe me deputetë shqiptarë

Kryetari i Lëvizjes Demokratike, Izet Mexhiti në intervistë për TV21 tha se do të fillojë shpërndarja e Frontit Europian. Mexhiti thotë se më tepër se 3-4 deputetë nga ky koalicion pritet të bëhen pjesë e shumicës parlamentare.
“Është shumë e logjikshme që do të fillojë shpërndarja e këtij Fronti. Bile mund të shkojë më tepër se sa ajo që kam përmendur unë, 3-4 deputetë. Unë nuk pres një reflektim menjëherë. Pritet të formohet Qeveria dhe mandej mendoj do të zhvillohen proceset. Unë nuk e kam thënë me qëllim të keq. Komuniteti turk është komunitet i vogël të cilit i duhet qeveria, ata nuk kanë nevojë për politika të mëdha për kauza opozitare frymë opozitare, nuk e kanë as potencën e as mundësinë. Atyre ju duhet dora e ngrohtë e Qeverisë dhe këtë e thotë edhe anëtarësia e tyre. -A ka deputetë shqiptarë me të cilët zhvilloni negociata? -Ka, ka. Edhe deputetë shqiptarë? Po!”, tha Mexhiti për TV21.