Shkup, 13 gusht – Zv.kyeministri i parë, Izet Mexhiti, në një intervistë për gazetën LAJM, ka thënë se BDI-ja dhe Ali Ahmeti akoma nuk e kanë të qartë se kush kanë qenë hartuesit e Marrëveshjes së Ohrit.
Duke komentuar, angazhimin e ekspertit ndërkombëtar Pol Uilliamsit, të cilin BDI-ja e prezantoi si hartues të Marrëveshjes së Ohrit, Mexhiti tha se ai ka qenë vetëm këshilltar i Arbër Xhaferit në vitin 2001.
“Dalin qesharak, siç ishte rasti i Pol Uiliamsit, i cili ka qenë këshilltar i Arbër Xhaferi, pra i ka dhënë këshilla, por nuk është përpilues i Marrëveshjes së Ohrit. Të thirresh në Marrëveshjen e Ohrit dhe mos ta dish kush është përpiluesi i saj, kjo flet shumë”, tha Mexhiti për gazetën LAJM.
