Basketbollisti i Orlando Magic, Mac McClung, ka fituar për herë të dytë rresht garën e ngulitjeve në fundjavën e Yjeve të NBA-së.
McClung i kërkoi ish-qendrës së famshme të NBA-së, Shaquille O’Neal që të qëndronte përfundi koshit dhe e kapërceu atë e nguliti.
McClung mori 98.8 pikë në dy ngulitjet e fundit, duke e mposhtur Jaylen Bro]nin e Boston Celtics që mori 97.8 pikë.
“Shaq ishte aq ‘cool’ sa të vishte atë fanellë të shkollës së mesme, dhe më bëri emocionale. Pasi e veshi fanellën më tha, ‘bën mirë të mos dalësh huq’”, ka treguar McClung, raporton agjencia “AP”.
E Damian Lillard për herë të dytë rresht ka fituar garën e trepikëshave. Është bërë i pari pas Jason Kaponos që ka mbrojtur titullin.
E Stephen Curry i Golden State Warriors, ka fituar një sfidë të veçantë të trepikëshave kundër Sabrina Ionescut.
Ai mposht Sabrina Ionescun me 29:26 në garën Steph vs. Sabrina të mbajtur të shtunën mbrëma. Ishte gara e parë e tillë.
Ionescu vitin e kaluar fitoi garën e trepikëshave në WNBA, duke arritur rekord të 37 pikëve.
