Maqedonia e Veriut është vendu i parë nga rajoni që ka nënshkruar Partneritet të Sigurisë dhe Mbrojtjes me Bashkimin Evropian.
Kjo kornizë e re politike për dialog dhe bashkëpunim në fushën e sigurisë dhe mbrojtjes u nënshkrua nga Përfaqësuesi i Lartë për Politikë të Jashtme dhe Siguri, Josep Borel, në emër të Bashkimit Evropian dhe Ministri i Punëve të Jashtme dhe Tregtisë së Jashtme, Timço Mutsunski, në emër të Maqedonisë së Veriut.
Lufta dhe agresioni i pajustifikuar dhe e paprovokuar e Rusisë kundër Ukrainës nënvizoi nevojën thelbësore për unitet dhe solidaritet brenda vetë Bashkimit Evropian, si dhe midis partnerëve të tij më të afërt, gjë që theksoi më tej rëndësinë e një Partneriteti të forcuar të Sigurisë dhe Mbrojtjes midis Bashkimit Evropian dhe Maqedonisë së Veriut.
Maqedonia e Veriut është një partner i rëndësishëm dhe i vlefshëm për Bashkimin Evropian në fushën e paqes, sigurisë dhe mbrojtjes, si dhe një pjesëmarrës aktiv si vend i tretë në Politikën e Përbashkët të Sigurisë dhe Mbrojtjes të Bashkimit Evropian (CSDP).
Nënshkrimi i Partneritetit për Siguri dhe Mbrojtje është reflektim i bashkëpunimit të shkëlqyer dhe të vazhdueshëm ndërmjet Bashkimit Evropian dhe Maqedonisë së Veriut dhe është një hap kyç drejt bashkëpunimit më të ngushtë në një gamë të gjerë çështjesh të sigurisë dhe në dobi të qytetarëve të Bashkimi Evropian dhe Maqedonia e Veriut, që përfaqësojnë gjithashtu një element të rëndësishëm të përpjekjeve të Maqedonisë së Veriut për integrim në Bashkimin Evropian.
Instrumenti i ri, ndër të tjera, mbulon fushat e bashkëpunimit për menaxhimin e krizave, mbështetjen për Ukrainën, parandalimin e kërcënimeve hibride, çështjet kibernetike, ndërtimin dhe trajnimin e kapaciteteve, kundër terrorizmit dhe aspektet e jashtme të menaxhimit të integruar të kufijve.
Fushat e identifikuara në Partneritetin e Sigurisë dhe Mbrojtjes do të rishikohen rregullisht, duke marrë parasysh progresin dhe duke dhënë shtysë për forcimin e mëtejshëm të bashkëpunimit.
