Në vitin 2023, qeveria e BDI-së dhe SDS-së miratuan Strategjinë për Reformat e Administratës Publike për periudhën 2023-2030, e cila parashikon heqjen e balancuesit, tha MIle Levkov nga VMRO-DPMNE dhe shtoi se BDI-ja nga pozita e pushtetit nuk kishte asgjë kundër shfuqizimit të balancuesit, por tani nga pozita e opozitës gjen arsyetime dhe shpik arsye për destabilizimin.
“BDI nuk tha asnjë fjalë kur së bashku me LSD-në e promovuan Strategjinë. BDI ka qenë pjesë e qeverisë që e ka miratuar këtë Strategji dhe më pas nuk ka pasur konferenca për media apo kritika nga ana e tyre, përkundrazi kanë heshtur atëherë, sepse edhe vetë e dinë se i njëjti është rekomandim nga Bashkimi Evropian. Përkatësisht, heqja e balancuesit në fakt është rekomandim i Komisionit Evropian, i cili tregon qartë se punësimi i bazuar në të mund të cenojë parimet e meritës dhe të ndikojë në pavarësinë e institucioneve. BDI-ja i di të gjitha këto, por ata janë hipokritë dhe duan të manipulojnë opinionin”, tha Lefkov.
Siç shtoi ai, VMRO-DPMNE pajtohet me Komisionin Evropian se balancuesi është keqpërdorur, dhe besojnë se përfaqësimi i barabartë duhet dhe do të zgjidhet me ligj.
