Me afrimin e zgjedhjeve, kryeministri Albin Kurti ka filluar të flasë më shumë për islamin.
Brenda pak ditëve, ai ka zhvilluar disa aktivitete të cilat kanë të bëjnë me komuniteti islam.
Ai dje ka treguar për veprimet që qeveria e tij ka ndërmarr në mbrojtjen e trashëgimisë kulturore islame në Kosovë.
Në profilin e tij në “Facebook”, Kurti ka thënë se qeveria e tij është qeveria që më se shumti ka investuar në këtë drejtim.
Ai ka numëruar objektet që janë restauruar në qeverinë e tij.
“Puna jonë ka qenë e përditshme, sistematike. Kështu do të jetë deri në fund të mandatit. Për të vazhduar pastaj me mandatin tjetër. Shumë xhami të Kosovës sot janë në gjendje më të mirë dhe u shërbejnë besimtarëve e vizitorëve, si rezultat i restaurimeve profesionale, në këto më pak se katër vjet. Në shumë asete islame punimet kanë përfunduar ose janë në zbatim, ndërsa në shumë të tjera po hartohen projektet dhe zhvillohen procedurat e prokurimit. Investimet tona për mbrojtjen e trashëgimisë kulturore islame nuk do të ndalen as viteve në vijim”, ka shkruar Kurti.
