Filharmonia dhe Orkestra e Beogradit i ka dhënë mbështetje parezervë kolegëve maqedonas të Filharmonisë së Maqedonisë kundër paralajmërimeve se drejtor do të jetë Mustafa Imeri, kuadër i Lëvizjes Demokratike të Izet Mexhitit, shkruan gazeta KOHA.
Nëpërmjet një letre mbështetje drejtuar Filharmonisë së Maqedonisë, Filharmonia e Bogradit thotë se përzgjedhja e drejtorit në konkurs të hapur duhet të jetë transparente dhe pa ndikime politike.
“E ndjejmë luftëb dhe shqetësimin tuaj, sepse në një situatë të ngjashme gjendemi edhe ne në Beograd. Shteti Juaj sikurse shteti ynë duhet të kuptoj se një shoqëri e shëndoshë krijohet vetëm me besim në institucione të pavarura. Sidoqoftë, shteti Juaj duhet ta kuptojë se Filharmonia e Maqedonisë nuk është vetëm një sallë e mirë, por në të punojnë punonjës kulture…”, thuhet në letrën e mbështetjes së Filharmonis dhe Orkestrës së Beogradit.
Ndryshe, dy javë më parë, nëpërmjet një letre të hapur të nënshkruar nga njëqind punonjës nga 120, Filharmonia e Maqedonisë kërkuan që “të mos përsëriset praktika fatale e gabimeve në emërimin e drejtuesve të institucioneve siç ishte pjesë e historisë së qeverisjes së koalicionit të kaluar”. Konkretisht, punonjësit e nënshkruar në letrën e hapur drejtuar kryeministrit Hristijan Mickoski dhe ministrit të Kulturës, Zoran Ljutkov, shprehen kundër emërimit të Mustafa Imerit, kuadër i LD-së së Izet Mexhitit për drejtor në Filharmoninë e Maqedonisë.
“Që në qershor, para formimit të Qeverisë së re, Izet Mexhiti njoftoi publikisht se ia vlente të ‘merrte’ Filarmoninë dhe se Mustafa Imeri do të ishte i pari shqiptar që do të drejtonte institucionin. Ky njoftim skandaloz po shkatërron legjitimitetin e konkurrencës që është ende në vazhdim, pasi emri i Imerit është ende përmendet në kuluare si një mundësi e sigurt dhe e rënë dakord për drejtorin e institucionit tonë. Drejtori i institucionit tonë duhet të zgjidhet sipas një procedure ligjërisht me kritere të ndërtuara nga ministria e linjës. Çdo mënyrë tjetër për të zgjedhur drejtuesin e institucionit duke tejkaluar procedurat ligjore, paraqet shkelje të rëndë”, thuhej në letrën e hapur të punonjësve.
Ankandi i funksioneve pa i respektuar procedurat ligjore me kritere të përcaktuara qartë, thuhej më tej në letër, është një fyerje për artistët dhe punonjësit e Orkestrës dhe Filharmonisë Maqedonase.
Sipas nënshkruesve të letrës, drejtori i Orkestrës Filharmonike duhet zgjedhur në mënyrë të ligjshme në konkurs, dhe kandidati me programin më të mirë dhe kualifikimet dhe referencat profesionale.
Ndryshe, në ndarjen e resorëve, kur u diskutua Qeveria, drejtori i Filharmonisë i kishte takuar VLEN-it, konkretisht Lëvizjes Demokratike të Izet Mexhitit. Ka qenë vet Mexhiti i cili në një deklaratë para mediave ka thënë se drejtori i Filharmonisë, për herë të parë, i takon shqiptarëve. (koha.mk)
