Një kafe miqësore në zemër të Shkupit dhe një takim me mikun dhe kolegun tim të dashur, Visar Ganiu.
Dua të shpreh mirënjohjen time të madhe për pritjen e mrekullueshme në çarshinë e vjetër të Shkupit. Këtu më pëlqen gjithmonë sepse ka një frymë të veçantë. Çarshia ruan trashëgiminë multikulturore të qytetërimeve të ndryshme e që bashkon maqedonasit, shqiptarët, turqit dhe të gjithë në Shkupin tonë të bukur.
Si kryetar i #BNJVL-së, me Ganiun biseduam për punën e tij të suksesshme të deritanishme në dy vitet e fundit, por edhe për problemet me të cilat ballafaqohen qytetarët e Shkupit.
Si çdo komunë në territorin e qytetit të Shkupit, edhe komuna e Çairit përballet me probleme, por edhe me pengesa nga kryesia aktuale e qytetit.
Duhet rikonstruksion i plotë i bulevardit “Cvetan Dimov” dhe i rrugës “John Kennedy”, duhet zgjidhur kaosi i trafikut duke ndërtuar garazhe shumëkatëshe etj., për të cilat jam i bindur se Visari do të gjejë një rrugë zgjidh këto gjëra.
Pavarësisht nga çdo gjë, bashkërisht do të gjejmë zgjidhje për problemet komunale dhe të qytetit.
Përkundër mungesës së dëgjimit nga ana e qytetit, ne do t’i kalojmë problemet së bashku sepse Shkupi dhe të gjitha komunat do të kenë një partner real në Qeverinë e re të udhëhequr nga VMRO-DPMNE, dhe ai raport injorant në vitet e kaluara është një gjë e së shkuarës.
Visari dhe ekipi i tij, me të cilët pata nderin të flas për një sërë temash, janë thellësisht të përkushtuar për të ofruar kushte më të mira për banorët e Çairit.
Më duhet t’i përgëzoj për punën dhe angazhimin e tyre për një të nesërme më të mirë.
Ky është takimi i dytë që nga fillimi i takimeve me kryetarët e komunave që në periudhën në vijim gjithçka ka për qëllim gjetjen e një zgjidhjeje për qytetarët e Shkupit.
Ne do të vizitojmë komunat, do t’i zbulojmë problemet dhe do të përgatisim zgjidhje për t’i zgjidhur ato sa më shpejt që të jetë e mundur sepse qyteti i Shkupit dhe komunat nuk duhet të presin.
Shkupi meriton të jetë sërish një qytet krenar. Shprehet kryetari i #BNJVL-së Orce Gjorgjievski pas vizitës që i bëri çarshisë së Shkupit.
