Kryetari i Kuvendit të North Macedonia, Afrim Gashi, ka pritur në takim kryetaren e Forumit të Gruas të AK Parti, Tuğba Işık Ercan, si dhe deputeten e Parlamentit të Madh Turk, Rukiye Genç Toy, të cilat po qëndrojnë në Skopje në kuadër të konferencës së organizuar në programin ballkanik “Gönülden Gönüle”.
Pas takimit, Gashi bëri të ditur se gjatë bisedës është diskutuar për fuqizimin e grave dhe rëndësinë e përfaqësimit të tyre në jetën publike dhe politike.
“I përgëzova për iniciativën e vlefshme dhe konferencën e suksesshme, ndërsa shkëmbyem mendime dhe përvoja mbi fuqizimin e grave dhe rëndësinë e përfaqësimit të tyre në jetën publike dhe politike, për çka shpreha mbështetjen time të plotë”, deklaroi Gashi.
Ai theksoi se takimi ishte miqësor dhe konstruktiv, duke vlerësuar rëndësinë e bashkëpunimit dhe dialogut ndërmjet institucioneve dhe përfaqësuesve politikë të të dy vendeve.
“Vlerësova këtë takim miqësor dhe konstruktiv, që kontribuon në forcimin e dialogut dhe bashkëpunimit ndërmjet nesh”, u shpreh kryeparlamentari Afrim Gashi.
