Kryetari i Gjykatës Kushtetuese, Darko Kostadinovski njoftoi se Komisioni i Venecias ka pranuar kërkesën për “amicus” në lidhje me Ligjin për Gjuhët. Vendimi i Komisionit pritet të publikohet më 14 ose 15 mars, ndërsa seanca përgatitore pritet të mbahet më së voni më 21 mars, përcjell TV21. Kostadinovski tha se në seancë mes tjerash do të jenë prezent të gjithë përfaqësuesit e 13 nismave që kontestojnë Ligjin e Gjuhëve, mes tyre edhe parti politike.
“Menjëherë pasi ta miratojë më 14 dhe 15 mars, nga kontaktet e mia me Komisionin e Venecias, pritshmëritë janë se do të publikohet më 17 ose 18. Është kërkuar përfaqësues nga Komisioni i Venecias, të vijë në seancën përgatitore dhe ta shtjellojë këshillën miqësore, qëndrimet deri te të cilat do të vijë Komisioni i Venecias. Pritshmëritë e mija janë që këto ditë, më 19, 20, 21 do të mbahet seanca përgatitore. Parashtruesit e nismave, të gjithë 13 do të ftohen, kjo është sipas aktit tonë. Mes tyre ka edhe parti politike. Pyetjen e keni nëse do të ketë të tjerë përveç parashtruesve, nuk mund ta parashikojë atë.
