Kasami: Me Qeverinë nënshkruam tre projekte për Tetovën me vlerë 1.3 milionë euro

Kryetari i komunës së Tetovës, Bilall Kasami, ka njoftuar se sot në Qeveri, ka nënshkruar tre projekte infrastrukturore, projekte që këto Tetova i ka fituar në thirrjen e fundit të Qeverisë.
“Tubacioni furnizues për furnizim me ujë të pijshëm për Tetovën, që do bëhet në dy faza si dhe rekonstruimi dhe zgjerimi i rrjetit primar të ujësjellësit në lagjen jashtë Vardarit. Projektet kapin vlerën prej 1.3 milion euro, ndërsa projektet tjera do të përfshihen në fazën e dytë.
Përmirësimi i infrastrukturës dhe investimet mbesin prioritet për ne. Jemi të përkushtuar dhe punojmë për qytetin dhe qytetarët. Me VLEN në qeveri shqiptarët do të kenë kushte dhe standart më të mirë. Vazhdojmë tutje me projekte dhe investime edhe në arsim, ekonomi, kulturë dhe në sfera tjera!”, ka shkruar Kasami.