Po është biseduar që Taravari të jetë kandidat për president dhe shihet si kandidat i përshtatshëm për të qenë edhe kandidat shqiptar në këto zgjedhje”, ka deklaruar Kasami.
Sipas tij, BDI-ja nga frika i është kthyer retorikës nacionaliste.
“BDI-ja po i kthehet retorikës së luftës, retorikës kombëtarë. Kjo retorikë nuk ishte fushatën e kaluar kur BDI kishte një komoditet, merrej me fushata të gjelbërta, tash që e ka kapur paniku i është kthyer retorikës së luftës. Besoj se çështjet e nacionalizmit do kthehen fuqishëm vetëm në një qeverisje VMRO-BDI”, theksoi Kasami.
Kasami: Xhaferi shembulli më i keq i një kryetari të Kuvendit të Maqedonisë
Kreu Lëvizjes Besa Bilall Kasami në “RTK Prime” të RTK-së ka folur për zhvillimet politike në Republikën e Maqedonisë së Veriut.
Duke e komentuar mos votimin e Talat Xhaferit për kryeministër të Republikës së Maqedonisë së Veriut, Kasami ka thënë se për këto 20 vite në pushtet BDI-ja ka treguar një gatishmëri të lartë për të djegur momentumet dhe situatat e favorshme për shqiptarët të cilat u krijuan pas luftës së 2001.
“Duke u nisur pas përfundimit të luftës komunikatat e UÇK-së ishin për ndarje të territorit apo për një pavarësi të shqiptarëve të Maqedonisë së Veriut, nga ai momentum kemi degjeneruar në luftë për pushtet dhe betejë për të mbijetuar në pushtet”, ka deklaruar Kasami në RTK ‘Prime’.
Edhe pse simbolik, sipas Kasamit, një kryeministër teknik më keq se me Talat Xhaferin nuk mund ta digjte BDI-ja pozitën e parë për një kryeministër shqiptar.
Sipas tij, Talat Xhaferi është shembulli më i keq i një kryetari të Kuvendit të Maqedonisë së Veriut.
“Më keq se me Talat Xhaferin nuk mund ta digjte BDI-ja pozitën e parë, siç po e proklamojnë që po e merr një shqiptar në krye të qeverisë së Maqedonisë së Veriut. Talat Xhaferi është figurë e përveçshme, i cili duhet të organizoj zgjedhje e radhës të cilat janë shumë të rëndësishme për faktorin shqiptar, por edhe për rrugëtimin e Maqedonisë së Veriut. Pra një eksponent i cili është shembulli më i keq i një kryetari të Kuvendit të Maqedonisë së Veriut”, ka thënë Kasami.
Kasami: Vetëvendosje pjesë e opozitës shqiptare në Maqedoninë e Veriut
Kasami ka thënë se Albin Kurti nuk është hera e parë që përkrah faktorin politik shqiptarë në Maqedoninë e Veriut. Sipas tij, është në vazhdën e atij kontributi si kryetar i Vetëvendosjes dhe tash si kryeministër i Kosovës.
Kreu i Besës ka thënë se Kurti së bashku me kryetarin e Kuvendit të Kosovës, Glauk Konjufca, në disa cikle zgjedhore kanë qenë edhe pjesë e kampanjave zgjedhore.
“Tash do të kemi një risi, ku përfaqësues apo eksponent të lartë të Lëvizjes Vetëvendosje në Kosovë, por edhe që janë qytetarë të Maqedonisë së Veriut, do të jenë pjese ë listave zgjedhore për deputet në listat e opozitës së Bashkuar”, ka thënë Kasami.
