Pas lajmit të britanikes “Telegraph” për aplikimin e kartonit blu që le jashtë loje një futbollist për 10 minuta për protesta të tepruara apo faulle taktike erdhi reagimi i FIFA-s.
Sipas organizmit më të lartë të këtij sporti në botë një rregull i tillë do të provohet duke eksperimentuar më herët në nivele të ulëta të futbollit.
Me anë të një deklarate FIFA sqaroi se nuk mund të ketë përdorim të menjëhershëm në ligat e para apo tek të rriturit.
Këtë qëndrim qeveria e futbollit botëror do ta mbajë edhe në mbledhjen e radhës të Bordit Ndërkombëtar të Shoqatave të Futbollit më 2 Mars.
Kjo masë synon që të ketë një lojë sa më të pastër dhe fair play, duke ulur ndërhyrjet e panevojshme.
Vitet e fundit futbolli ka ndryshuar shumë, si me rregullat dhe përfshirjen e teknologjisë për shmangien e golave fantazmë apo përdorimin e sistemit VAR.
