Zëvendëskryeministri i parë i Republikës së Maqedonisë së Veriut, Izet Mexhiti ka takuar sot ministrin për të Drejtat e Njeriut dhe Pakicat e Malit të Zi, Fatmir Gjeka, me ç’rast është biseduar për thellimin e bashkëpunimit rajonal si të shqiptarëve ashtu edhe me të gjitha kombet në rajon.
Ky takim vjen pas serisë së takimeve diplomatike që Zëvendëskryeministri i Parë zhvilloi për këtë temë.
Ai më herët është takuar me kryetaren e komunës së Preshevës, Ardita Sinani, ku ka biseduar për gjendjen e shqiptarëve në Serbi, si dhe për thellimin e bashkëpunimit kulturor dhe ekonomik ndërmjet shqiptarëve të Luginës së Preshevës dhe Maqedonisë së Veriut.
Në këtë frymë disa ditë më parë janë zhvilluar edhe takimet me kryeministrin e Republikës së Kosovës, Albin Kurti, si dhe me kryeministrin e Shqipërisë, Edi Rama.
