Drejtori i Spitalit Psikiatrik, Isa Avdullahu vazhdon punën e tij në këtë institucion, siç thotë ai i përkushtuar për ndryshim.
“Vazhdojmë me punë të përkushtuar për Ndryshim
Sot vizitova repartin Akut dhe Repartin e Dytë të Grave pranë Spitalit tonë për të parë nga afër zhvillimin e punimeve për rinovimin e një pjese të këtyre reparteve pranë Spitalit Psikiatrik në Shkup.
Ky projekt ambicioz ka si qëllim përmirësimin e kushteve të trajtimit për pacientët, duke ofruar një ambient më të sigurt dhe modern, në përputhje me standardet më të larta të kujdesit psikiatrik.
Vizita në këto hapësira tregoi përparimin e rëndësishëm të punimeve, të cilat do të sjellin një impakt pozitiv për të gjithë pacientët dhe stafin që angazhohet për mirëqenien e tyre.
Ne jemi të përkushtuar për Ndryshim, për të siguruar kushte më të mira, sepse pacientët dhe stafi e meritojnë ate!!!”, ka shkruar Avdullahu.
