Njëri prej liderëve të koalicionit VLEN, Zeqirija Ibrahimi, zhvilloi sot vizita në disa fshatra të komunës së Dollnenit, ku së bashku me kryetarin e Kuvendit, Afrim Gashin, zv/kryeministrin e parë Izet Mexhitin dhe ministrin Arben Fetai, takuan banorët e Debreshtit, Zhitoshës, Llazhanit dhe Cërnillishtit.
Gjatë takimeve me qytetarët, ekipi i VLEN-it shprehu mbështetjen e plotë për kandidatin për kryetar komune të Dollnenit, Blerim Islamin.
Në një atmosferë të ngrohtë e miqësore, Zeqirija Ibrahimi vuri në dukje se mbështetja ndaj kandidatit të tyre ndjehet qartë në çdo vendbanim të komunës.
“Sot pamë nga afër entuziazmin dhe besimin e banorëve në ndryshimin që përfaqëson Blerim Islami. Ai mishëron vizionin për një Dollnen më të zhvilluar, më të drejtë dhe më afër qytetarëve”, theksoi Ibrahimi.
