Ish deputeti nga rradhët e AlternAtivës, Zeqirija Ibrahimi koalicionin e Frontit të ashtuquajtur Evropian në krye me Ali Ahmetin e vlerëson si një humbje të BDI-së tek shqiptarët dhe se tani po përpiqen që me minoritete të zbusin humbjen e thellë nga koalicioni opozitar shqiptar VLEN.
“Vrapi për vota të komuniteteve joshumicë është argumenti më i mirë se Doctor Honoris Causa e ka pranuar humbjen në votat shqiptare. Rrjedhimisht, edhe legjitimitetin për t’u thirrur në përfaqësimin e shqiptarëve. Prandaj rënien e votave shqiptare mundohet ta plotësojë me vota të komuniteteve joshumicë.
Në vend që ta pranojë një humbje me dinjitetin e Komandantit, po detyrohet ta pranojë një humbje me turpin e Lypësit që troket derë më derë tek ata që deri dje i përbuzte, ndërsa tash u bën rixha kush po bën rahmet për ndonjë votë.
Të të vijë keq për derexhenë”, ka shkruar Zeqirija Ibrahimi.
