“Hormoni i rritjes u sigurua për të gjithë pacientët”

Drejtori i Klinikës Universitare për Sëmundje të Fëmijëve – Shkup, Dr. Rexhep Memedi, sot ka mbajtur takim pune me këshilltarin për shëndetësi të kryeministrit të RMV-së- dr. Igor Nikolov dhe kryetarin e shoqatës RAST – z. Aleksandar Petrovski, gjatë së cilës i informoi se Fondi për sigurime shëndetësore ka siguruar buxhet shtesë për hormonin e rritjes për 19 pacientët e rinj të mbetur pa terapi.
Me këtë zgjidhje nuk ka më listë pritjeje, të gjithë 169 fëmijët që kanë indikacion mjekësor do të marrin hormonin e rritjes.
Drejtori Memedi falënderoi Fondin e Shëndetësisë dhe Ministrinë e Shëndetësisë për mbështetjen që u japin pacientëve më të vegjël, natyrisht që falënderoi edhe Dr. Nikolov dhe z. Petrovski për bashkëpunimin e suksesshëm.
Në shenjë falënderimi, kryetari i Shoqatës RAST i dhuroi një letër falënderimi drejtorit Memedi dhe dr. Nikollov.
Klinika Universitare për sëmundje të fëmijëve në Shkup do të vazhdojë të ofrojë kujdes maksimal profesional dhe së bashku me autoritetet shëndetësore dhe sektorin joqeveritar të ofrojnë terapi të përshtatshme për të gjithë fëmijët që kanë nevojë.