Fillimi i punimeve për ndërtimin e pishinës në Çair, Bekim Sali: Ndryshimi u bë, do ndjehet çdo ditë e më shumë

Kryetari i Alternativës, Bekim Sali, ka shoqëruar sot kryetarin e komunës së Çairit, Visar Ganiu në përurimin e punimeve për ndërtimin e pishinës në Çair.
Sali shkruan se ndryshimi është bërë dhe do të ndjehet çdo ditë e më shumë në çdo pore të jetës së qytetarëve.
“Si deputet i zonës, e shoqërova kryetarin e Çairit Visar Ganiun gjatë fillimit të punimeve për ndërtimin e Pishinës së re për fëmijët e shkollave në Çair.
Pishina me rreth 620 m2 do të jetë në dispozicion të nxënësve për ushtrime, mësim të notit, gara dhe rekreacion si gjatë verës, ashtu edhe gjatë dimrit.
Kryetari i Çairit na premtoi se do të jetë gati deri në nëntor.
Ndryshimi u bë, ndërsa do të ndjehet çdo ditë e më shumë në çdo pore të jetës së qytetarëve!”, ka shkruar Bekim Sali.