I dërguari i posaçëm i SHBA-së për Ballkanin Perëndimor, Gabriel Escobar, ka thënë se pajtohet me deklaratën e Ndihmës Sekretarit amerikan të Shtetit, James O’Brien, se duke njohur dokumentet doganore dhe targat, Serbia ka bërë dy hapa të rëndësishëm drejt njohjes së Kosovës.
“Po, do të pajtohesha me Jim (O’Brien) dhe ai ka të drejtë për këtë. Tani, ajo që duam është që ato të jenë të përhershme dhe duam që ato të jenë formale”, ka thënë Escobar në një intervistë për Zërin e Amerikës (edicioni në gjuhën Serbe).
Ai gjithashtu ka thënë se Shtetet e Bashkuara janë të shqetësuara për faktin se qeveria e Kosovës nuk po i trajton si partner dhe nuk po punon për sigurinë rajonale.
Escobar: Jemi të shqetësuar, Qeveria e Kosovës nuk po na trajton si partner
Lexo po ashtu
Escobar: Jemi të shqetësuar, Qeveria e Kosovës nuk po na trajton si partner
“… mendoj se deklaratat tona publike janë tregues se si po shkojnë marrëdhëniet në nivel diplomatik dhe politik. Pra, ne jemi të shqetësuar për faktin se qeveria e Kosovës nuk po na trajton si partner. Ata nuk po konsultohen me ne. Ata nuk po punojnë me ne për sigurinë rajonale. Dhe më e rëndësishmja, ata po bëjnë gjëra që në dukje po dëmtojnë dialogun në të cilin Shtetet e Bashkuara janë angazhuar plotësisht”, ka thënë Escobar.
