Sot, drejtori i Librave Amë, z. Faton Fazliu, realizoi një vizitë pune në zyrat e këtij institucioni në qytetet Ohër dhe Strugë. Gjatë takimeve me të punësuarit, z. Fazliu u njoh nga afër me sfidat dhe problematikat e përditshme, duke diskutuar njëkohësisht për masat konkrete që synojnë përmirësimin e kushteve të punës dhe rritjen e cilësisë së shërbimeve për qytetarët. Ai shprehu angazhimin maksimal për të siguruar një mjedis pune që vlerëson dhe mbështet përkushtimin e stafit në shërbim të administratës dhe qytetarëve.
Postimi i plotë i z.Faton Fazliu
Sot pata kënaqësinë të vizitoj zyrat e Librave Amë në Ohër dhe Strugë, ku u njoha nga afër me sfidat dhe problematikat që hasin në përditshmëri. Gjatë takimeve me të punësuarit, diskutuam për çështje konkrete që kërkojnë zgjidhje, si dhe për planet dhe prioritetet për vitin e ardhshëm.
I vetëdijshëm për rëndësinë e madhe që ka puna e Librave Amë për qytetarët dhe administratën, do të angazhohem maksimalisht që çdo i punësuar të ketë kushte pune, që reflektojnë vlerën dhe përkushtimin e tyre në shërbim të qytetarëve. Vetëm përmes përmirësimit të kushteve të punës mund të garantojmë shërbime më të mira dhe më cilësore për të gjithë qytetarët.
