Ylli i NBA-së, Luka Donçiq, ka zhvilluar tjetër ndeshje të shkëlqyer në Eurobasket.
Falë paraqitjes impresive të Donçiqit, Sllovenia bëri vend në çerekfinale të Evropianit të basketbollit.
Sllovenia të dielën mbrëma në Riga të Letonisë fitoi 84:77 ndaj Italisë.
Sllovenët e fituan çerekun e parë me rezultat 29:11, falë 22 pikëve të Donçiqit në këtë dhjetëminutësh.
Por italianët u kthyen gradualisht dhe e bënë fundin e ndeshjes interesant.
Sërish në shprehje erdhi cilësia e Donçiqit, që ndeshjen e përfundoi me 42 pikë, 10 kërcime e tre topa të rrëmbyer.
Simone Fontecchio ishte më i miri tek Italia me 22 pikë e pesë kërcime.
